86‑hadovy mužčyna zabraŭ 250 tysiač rubloŭ u padmanutaj machlarami minčanki
Spačatku minčancy patelefanavali nibyta z palikliniki, padčas razmovy prasili nazvać numar miedycynskaj strachoŭki.
Potym iłžepravaachoŭniki zapužali kryminalnaj adkaznaściu i pierakanali «dekłaravać» źbieražeńni U vyniku 31‑hadovaja žančyna pieradała kurjeru 250 tysiač rubloŭ, atrymanyja napiaredadni ad prodažu kvatery, paviedamlaje pres-słužba MUS.
Pasylnym akazaŭsia 86‑hadovy piensijanier, taksama abmanuty afierystami. Spačatku jon addaŭ machlaram bolš za 20 tysiač rubloŭ, a potym pačaŭ źbirać hrošy ŭ inšych paciarpiełych.
Pažyłomu čałavieku zabaranili raskazvać kamuści pra «ŭdzieł u śpiecapieracyi», tamu jon pierastaŭ adkazvać navat na zvanki dački. Mienavita jana i źviarnułasia ŭ milicyju.
Kali apieratyŭniki źviazalisia z mužčynam, jon jechaŭ u Brest pa čarhovym zadańni kuratara. Tady jamu rastłumačyli, što adbyvajecca nasamreč.