U Kramli zajavili, što Tramp nie straciŭ cikavaści da pieramoŭ pa Ukrainie
U Maskvie nie zhadzilisia z publikacyjaj Financial Times, u jakoj havaryłasia, što pieramovy pa Ukrainie zajšli ŭ tupik paśla taho, jak Donald Tramp pieraklučyŭsia na kanflikt vakoł Irana.
Donald Tramp i Uładzimir Zialenski ŭ Biełym domie 28 lutaha 2025 h. Fota: AP Photo / Ben Curtis
Pres-sakratar prezidenta Rasii Dźmitryj Piaskoŭ zajaviŭ žurnalistam, što Maskva sočyć za takimi paviedamleńniami, ale robić inšyja vysnovy pra pazicyju Vašynhtona.
Pa słovach Piaskova, niadaŭnija zajavy Trampa, naadvarot, pakazvajuć, što jon pa-raniejšamu ŭdzialaje ŭvahu ŭkrainskaj temie. U Kramli śćviardžajuć, što amierykanski prezident praciahvaje padšturchoŭvać prezidenta Ukrainy Uładzimira Zialenskaha da dasiahnieńnia damoŭlenaściej.
Piaskoŭ dadaŭ, što Rasija zacikaŭlena ŭ praciahnieńni pieramoŭ ab zaviaršeńni vajny, adnak terminy i miesca nastupnaha raŭndu pakul nie vyznačany.