Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Były pamočnik Łukašenki pa ekanomicy praz hod paśla žyćcia ŭ AAE znoŭ mianiaje miesca žycharstva i pierabirajecca ŭ Paŭnočnuju Karalinu.
Kirył Rudy
«Da pabačeńnia, Dubai! Pryvitańnie, ZŠA, — napisaŭ Kirył Rudy ŭ svaim Linkiedzinie. — Rady paviedamić pra svoj nastupny krok i pierajezd u Šarłotu (Paŭnočnaja Karalina) — schavany ałmaz, bankaŭski centr, ujaznaja brama. Ja budu rady stvarać [tut] biznes-mahčymaści i złučać ludziej, dziaržavy i kantynienty. Nie saromciesia źviartacca».
Z kantekstu vynikaje, što Rudy pierajechaŭ u ZŠA pa rabocie.
Kampanija ź biełaruskimi karaniami Andersen Lab, u jakoj pracuje Rudy, płanuje pašyrać svaju prysutnaść na amierykanskim rynku i rełakavała tudy svajho kaardynatara pa pracy ź dziaržaŭnymi orhanami.
Da taho — prynamsi ź viasny 2025‑ha — Kirył Rudy žyŭ i pracavaŭ na Andersen Labs u Dubai, a taksama padpracoŭvaŭ u dubajskim biznes-kłubie EurAsiaGulf.
Paśla skančeńnia svajoj pasolskaj kadencyi ŭ Kitai ŭ studzieni 2020‑ha Kirył Rudy nie atrymaŭ pryznačeńniaŭ unutry dziaržaŭnaha aparata. Sproby pieraznajści siabie ŭ bankaŭskim siektary — ad ISO-placoŭki Finstore da Banka raźvićcia — nie mieli pośpiechu.
Vielmi imavierna, što na momant uładkavańnia ŭ Andersen Labs u pačatku 2024‑ha Kirył Rudy praciahły čas byŭ biespracoŭnym (kali nie ličyć paŭstaŭki ŭ BDEU).
Dla Rudaha heta nie pieršy pryjezd u Štaty — raniej jon vučyŭsia na ekanamičnym fakultecie va ŭniviersitecie Indyjany pa prahramie Fułbrajt.