Minskija ŭłady nazvali košt biaspłatnaj miedycyny ŭ stalicy
Haradskija ŭłady paviedamili, kolki kaštuje dla biudžetu vizit da stamatołaha, vyklik chutkaj dapamohi i adzin dzień u reanimacyi. Ličby ahučyŭ staršynia kamiteta achovy zdaroŭja Minharvykankama Juryj Horbič, pišuć Minsk-naviny.
— Adzin vizit pacyjenta da doktara terapieŭtyčnaha profilu abychodzicca biudžetu prykładna 45 rubloŭ, da stamatołaha (z-za vykarystańnia darahoha abstalavańnia i materyjałaŭ) — amal 70 rubloŭ, pryjom u piedyjatra — kala 40 rubloŭ, — raskazaŭ Horbič.
Praca ekstrannych słužbaŭ i stacyjanaraŭ značna daražejšaja. Adzin vyjezd bryhady chutkaj dapamohi ŭ 2025 hodzie abychodziŭsia biudžetu ŭ 245 rubloŭ. Adzin kojka-dzień u zvyčajnym adździaleńni kaštavaŭ biudžetu kala 430 rubloŭ. Kali pacyjent znachodzicca ŭ reanimacyi, to košt adnych sutak składaje amal 1700 rubloŭ.
— Heta košt tolki za znachodžańnie ŭ adździaleńni, biez uliku darahich miedykamientaŭ, jakija mohuć šmatrazova pavialičyć kančatkovy «ček», — padkreśliŭ kiraŭnik kamiteta achovy zdaroŭja Minharvykankama.