Zbornaja Irana moža zhulać matčy čempijanatu śvietu ŭ Mieksicy
FIFA i Iran viaduć pieramovy ab pieranosie matčaŭ zbornaj hetaj krainy na čempijanacie śvietu z ZŠA ŭ Mieksiku.
Fota: Gao Meng/VCG via Getty Images
«Kali Tramp niedvuchsensoŭna zajaviŭ, što jon nie moža harantavać biaśpieku iranskaj zbornaj, my, viadoma ž, nie pajedziem u Amieryku. My viadziom pieramovy ź FIFA ab praviadzieńni matčaŭ našaj zbornaj u Mieksicy», — zajaviŭ prezident Iranskaj fiederacyi futboła Miechdzi Tadž.
Pavodle pieršapačatkovaha raskładu, matčy zbornaj Irana na hrupavym etapie čempijanatu śvietu suprać Novaj Ziełandyi, Bielhii i Jehipta pavinny prajści ŭ Łos-Andželesie i Sietle.
Čempijanat śvietu 2026 hoda adbudziecca z 11 červienia pa 19 lipienia ŭ Kanadzie, Mieksicy i ZŠA. Raniej paviedamlałasia, što Iran moža admovicca ŭdziełu, i tady jaho treba zamianić inšaj zbornaj, pa ŭsioj vierahodnaści z Azii.
Na nastupnym tydni adbuducca pieršyja mižkantynientalnyja stykavyja matčy.