Pamior piśmieńnik Miledzij Kukuć
13 sakavika pamior piśmieńnik Miledzij Kukuć, paviedamiŭ Sajuz piśmieńnikaŭ Biełarusi. Jamu było 72 hady.
Miledzij Kukuć
Miledzij Kukuć naradziŭsia 27 červienia 1953 hoda ŭ vioscy Vusaŭcy Miorskaha rajona.
Vučyŭsia ŭ Naŭharodskaj vaśmihodcy. Paśla zakančeńnia škoły siamja pierajechała ŭ Šarkaŭščynski rajon. U 1968 hodzie skončyŭ Šarkaŭščynskuju siaredniuju škołu i pajechaŭ vučycca ŭ horad Połack na elektramanciora.
U 1989 hodzie zavočna skončyŭ Horackuju sielskahaspadarčuju akademiju, pracavaŭ elektrykam, inžynieram-miechanikam, staršynioj kałhasa, a da vychadu na piensiju — načalnikam adździeła dziaržtechnahladu Šarkaŭščynskaha rajonnaha vykanaŭčaha kamiteta.
U litaraturu Miledzij Kukuć pryjšoŭ u stałym uzroście. Vieršavanyja i prazaičnyja tvory drukavaŭ u rajonnych, abłasnych i respublikanskich vydańniach. Pieršaja kniha aŭtara «Adzin dzień i ŭsio žyćcio» vyjšła ŭ 1997 hodzie. Aŭtar knih «Čyścinia dušy» (2008), «Na siomym niebie» (2013), «U pałonie kachańnia» (2018), «Daśje na Trampa» (2022). U 2013 hodzie z apovieściu «Na siomym niebie» Miledzij Kukuć zaniaŭ druhoje miesca ŭ Respublikanskim litaraturnym konkursie na lepšy litaraturny tvor hoda ŭ naminacyi «Proza».
Z 2006 hoda byŭ členam Sajuza piśmieńnikaŭ Biełarusi, taksama jon byŭ łaŭreatam hanarovaha zvańnia «Čałaviek hoda Šarkaŭščyny».