U staličnaj paliklinicy na Zachadzie-4 aparat MRT ciapier pracuje kruhłasutačna — možna prajści abśledavańnie choć pasiarod nočy
Z sakavika MRT u druhoj paliklinicy pierajšło na kruhłasutačny režym pracy, i ciapier tam novy aparat.
Ilustracyjny zdymak. Fota: dzr.by
Jak paviedamiŭ staršynia kamiteta pa achovie zdaroŭja Minharvykankama Juryj Horbič, u 2025 hodzie novyja aparaty mahnitna-rezanansnaj tamahrafii (MRT) atrymali dźvie ambułatornyja ŭstanovy — Minski haradski endakrynałahičny centr i 2‑ia centralnaja paliklinika Frunzienskaha rajona, pišuć «Minsk-Naviny».
Asablivaj navinoj stała toje, što z sakavika 2026 hoda MRT u druhoj paliklinicy pierajšło na kruhłasutačny režym pracy. «Ciapier pracujučym žycharam horada nie treba adprošvacca sa słužby — prajści pryznačanuju praceduru možna navat a treciaj hadzinie nočy», — adznačyŭ Juryj Horbič.
Akramia MRT, za apošni hod horad zakupiŭ bolš za 50 aparataŭ UHD, 40 endaskapičnych sistem i novyja stacyjanarnyja mamohrafy.