U «Biellehpramie» pachvalilisia, što aryjentujucca na ŭzory z paryžskich podyumaŭ
«Biellehpram» pry stvareńni svaich kalekcyj aryjentujecca na suśvietnyja modnyja tendencyi, u tym liku z paryžskich podyumaŭ, ale nie kapirujuć ich napramuju, a adaptujuć da paŭsiadzionnaha žyćcia, paviedamiła načalnica ŭpraŭleńnia handlu i markietynhu kancerna Volha Hrabienia.
Zdymak ilustracyjny. Fota: Reform.news
Pa słovach pradstaŭnicy kancerna, moda, jakuju pakazvajuć na viadučych pakazach, zvyčajna dachodzić da šyrokaha spažyŭca nie adrazu, a praz adzin-dva hady. Za hety čas jana stanovicca bolš praktyčnaj i prydatnaj dla zvyčajnych ludziej. Mienavita ŭ takim pierapracavanym vyhladzie hetyja tendencyi vykarystoŭvajucca ŭ biełaruskich kalekcyjach.
Dyzajniery «Biellehprama», jak śćviardžajecca, pastajanna sočać za novymi napramkami: kolerami, tkaninami i fasonami, i ŭkaraniajuć najbolš aktualnyja idei ŭ svaju pradukcyju.
Akramia taho, padkreślivajecca rola žančyn jak asnoŭnych spažyŭcoŭ i tych, chto farmiruje popyt: ich husty i razumieńnie mody ŭpłyvajuć nie tolki na vybar adzieńnia ŭ siamji, ale i ŭ peŭnaj stupieni na rynak u cełym.
Čytajcie taksama:
U «Biellehpramie» patłumačyli, čamu nie treba zvažać na canu biełaruskich tavaraŭ
Bujnyja handlovyja sietki abaviažuć mieć palicy z pradukcyjaj kancerna «Biellehpram»
Što narod dumaje pra Łuhinu i «Kamvol»
Prodažy biełaruskich adzieńnia i abutku ŭ Rasii mocna padajuć. U «Biellehpramie» patłumačyli čamu