U Izraili zajavili pra namier zabivać luboha iranskaha vysokapastaŭlenaha dziejača

Ministr abarony Izraila Israel Kac paviedamiŭ, što kraina dazvoliła svaim vajskoŭcam likvidavać luboha vysokapastaŭlenaha iranskaha dziejača biez dadatkovaha ŭzhadnieńnia. Pavodle jaho słoŭ, nichto ŭ Iranie nie maje «imunitetu», i ŭsie mohuć stać cellu, paviedamlaje Deutsche Welle.

Trunu ź ciełam hienierała Ali Šamchani, sakratara Vyšejšaj rady nacyjanalnaj biaśpieki Irana i staršaha daradcy Viarchoŭnaha lidara, jaki zahinuŭ u vyniku ŭdaru, — niasuć dla pachavańnia ŭ dvoryku śviatyni Imamzade Salech u Tehieranie. 14 sakavika 2026 hoda. Fota: AP Photo/Vahid Salemi

Taksama Israel Kac papiaredziŭ, što ŭ najbližejšy čas varta čakać novych niečakanych krokaŭ i ŭzmacnieńnia vajennych dziejańniaŭ suprać Irana i źviazanych ź im hrupovak.

U toj ža dzień u Izraili zajavili pra hibiel ministra raźviedki Irana, jaki byŭ nibyta zabity ŭ vyniku avijaŭdaru ŭ Tehieranie. Jaho nazyvali adnym z klučavych pradstaŭnikoŭ siłavych struktur krainy.

Pavodle raniejšych paviedamleńniaŭ, z pačatku kanfliktu ŭžo zahinuli dziasiatki vysokapastaŭlenych iranskich čynoŭnikaŭ. Siarod ich — upłyvovyja palityčnyja i vajskovyja fihury, uklučajučy šmathadovaha lidara dziaržavy ajatału Ali Chamieniei.

Kamientary da artykuła