U Vietcy admianili «Hukańnie viasny» z-za hadaviny Chatynskaj trahiedyi
Śviata płanavali pravieści 22 sakavika.
U Vietcy admianili tradycyjnaje śviata «Hukańnie viasny», jakoje płanavałasia pravieści 22 sakavika. Pra heta paviedamiŭ Vietkaŭski muziej staravierstva i biełaruskich tradycyj u svajoj aficyjnaj zajavie, piša «Štodzień».
Napiaredadni muziej apublikavaŭ anons mierapryjemstva, adnak užo na nastupny dzień paviedamiŭ pra jaho admienu. Pavodle tłumačeńnia, śviata nie adbudziecca «ŭ suviazi z rekamiendacyjaj nie pravodzić masavyja mierapryjemstvy ŭ pamiać sumnaj hadaviny Chatynskaj trahiedyi».
«Hukańnie viasny» — adno z najbolš viadomych narodnych śviataŭ biełaruskaha kalandarnaha cykłu. Jano simvalizuje raźvitańnie ź zimoj i prychod novaha žyćcia. U kancy 1980‑ch i ŭ 1990‑ia hady hetaje śviata razam z Kupallem i Ščodrami stała adnym z klučavych kulturnych mierapryjemstvaŭ nacyjanalnaha adradžeńnia.