U Minskim płanietaryi pačali zborku novaha kupała
U parku imia Horkaha praciahvajecca madernizacyja absiervatoryi staličnaha płanietaryja. U śniežni na budynku demantavali stary kupał i pačali ŭmacavańnie apornych kałon, a ciapier na placoŭku dastavili novy aluminijevy kupał. Padrabiaznaści raspaviali ŭ «Minskbudzie».
Fota: Minskbud
Kanstrukcyju vyrabili ŭ Maskvie, a ŭ Minsk pryvieźli ŭ razabranym vyhladzie. Paśla zborki kupał, abstalavany elektrapryvadam i stvorkami, što raskryvajucca z ahladam na 360°, ustalujuć na budynak. Ciapier budaŭniki jakraz farmirujuć bietonnuju asnovu pad jaho ŭstanoŭku.
Fota: Minskbud
Paralelna na abjekcie viaducca tynkavyja raboty i mantaž vonkavaj leśvicy. Unutry budynka ŭžo zaviaršyli demantaž starych pieraharodak i dachu.
Paśla pierapłaniroŭki ŭ absiervatoryi pašyrać faje, a ŭsio techničnaje abstalavańnie vyniesuć u padvalnuju častku.
Tak pavinna vyhladać u budučyni. Fota: Planetarium.by
Prajekt praduhledžvaje poŭnaje abnaŭleńnie «načyńnia»: u płanietaryi zamieniać ekran, akustyku i prajekcyjnuju sistemu. Dla hledačoŭ ustalujuć novyja kresły z funkcyjaj nachiłu śpinki. Niahledziačy na hłybokuju madernizacyju, architekturny vobraz budynka abiacajuć zachavać — ad łuskavataha pakryćcia dachu da aŭtentyčnaha napisańnia šyldy «Płanietaryj».