Žančyna z reŭnaści abliła sapiernicu kisłatoj — sud vynies prysud
U Viciebskaj vobłaści kanflikt na hlebie reŭnaści skončyŭsia ciažkimi nastupstvami dla adnoj z žančyn.
Incydent adbyŭsia ŭ haradskim pasiołku Suraž. Jak piša vydańnie «Viciebskija vieści» sa spasyłkaj na prakuraturu, mužčyna, jaki byŭ u adnosinach, pačaŭ stasunki ź inšaj žančynaj. Heta vyklikała mocnuju reŭnaść u jaho partniorki.
Žančyna pryjšła da sapiernicy dadomu i padčas svarki abliła jaje siernaj kisłatoj. Paciarpiełuju ź ciažkimi traŭmami pryvieźli ŭ balnicu. Paśla lačeńnia ŭ jaje zastałosia bolš za 60 šnaraŭ na tvary, šyi i ciele.
Na sudzie abvinavačanaja častkova pryznała vinu.
Joj pryznačyli pakarańnie — 11 hadoŭ i 1 miesiac pazbaŭleńnia voli ŭ kałonii strohaha režymu.