Nieviadomyja ad imia žurnalista Pankaŭca źbirajuć infarmacyju pra biełaruskich dobraachvotnikaŭ
Ab pravakacyi ŭ fejsbuku raspavioŭ Źmicier Pankaviec. Jon ličyć, što heta sprava biełaruskich śpiecsłužbaŭ.
Źmicier Pankaviec. Fota z akaŭnta ŭ fejsbuku
«Na ŭdavu zahinułaha vajara Vasila «Dzira» Rapickaha vyjšaŭ čałaviek, padpisany ŭ telehramie jak «Źmicier Pankaviec», z prośbaj dać intervju. Śviatłana zacikaŭlenaja, kab pamiać pra jaje muža žyła, tamu pahadziłasia na razmovu.
Intervjujer cisnuŭ na toje, što ofis Śviatłany Cichanoŭskaj ničoha nie robić dla dobraachvotnikaŭ. Čakaŭ, kab toje ž kazała i ŭdava Dzira.
Paśla hetaha surazmoŭca paprasiŭ u Śviatłany kantakt majho siabra Alaksandra Kłačko. Saša aściarožna spytaŭ u mianie, ci chaču ja ź im pahutaryć pra Dzira. Kažu, ty mianie z kimści pabłytaŭ. I navošta mnie prasić tvoj kantakt, kali my z taboj i tak pastajanna kamunikujem. Na hetym jany, vidavočna, praličylisia», — piša Pankaviec.
Jon miarkuje, što heta biełaruskija śpiecsłužby źbirajuć infarmacyju pra biełaruskich dobraachvotnikaŭ.