«Chaču choć adzin prypynak prajechać z vami!» Studencki chor vykanaŭ u aŭtobusie biełaruskuju narodnuju pieśniu — ludzi ŭ zachapleńni
U Minskim dziaržaŭnym kaledžy inavacyjnych budaŭničych technałohij imia Ivana Žyžala jość chor «Bratka biełarus». Ansambl śpiavaje jak papularnyja sučasnyja pieśni, tak i narodnyja.
Kalektyŭ «Bratka biełarus» vykonvaje pieśni ŭ staličnym aŭtobusie №32S. Skrynšot: videa z tyktoka @lubimtvorchestvo
Pieśnia pa-biełarusku, impravizacyjna vykananaja kalektyvam u aŭtobusie 32S, sabrała rekordnuju kolkaść pazityŭnaha fidbeku. U tyktoku videa, dzie moładź śpiavaje «Jak pajdu ja ŭ novuju kaniušniu», užo sabrała bolš za 200 tysiač prahladaŭ i stos zachoplenych kamientaroŭ.
«Vialiki dziakuj za biełaruskuju movu!».
«A dzie prachodzić taki vydatny maršrut? Chaču choć adzin prypynak prajechać z vami».
«Padabajka, chłopcy! Na rodnaj movie!».
«Hanarusia, što ŭ Biełarusi jość takaja moładź!».
«Spadziajusia, vam viarnuli hrošy za prajezd i zapłacili za vystup!», — reśpiektujuć maładzionam u kamientarach.
Udzielniki choru zrazumieli, što ludziam padymaje nastroj taki farmat, i vykłali jašče adno videa, na jakim śpiavajuć u aŭtobusie tvorčaść Andreja Hubina, ale padobny repiertuar užo sabraŭ u razy mienš prahladaŭ.
Čytajcie taksama:
Trend siarod biełaruskich zumieraŭ i milenijałaŭ: usio bolš moładzi viartajecca žyć da baćkoŭ