Žyhar vyśvietliŭ asoby pravakataraŭ na Płoščy-2006
Pradstaŭnik «Biełpoła» Uładzimir Žyhar vyśvietliŭ asoby dvuch pravakataraŭ z Płoščy-2006. Pra heta jon paviedamiŭ u fejsbuku.
Žyhar kaža, što kožnuju hadavinu Płoščy-2006 pierahladaje film Juryja Chaščavackaha «Płošča», pryśviečany tym padziejam.
Jon pravieryŭ pa sistemie raspaznavańnia tvaraŭ i bazach danych pravakataraŭ, jakija dziejničali ŭ 2006 hodzie. Akazałasia, što heta dva nieadnarazova asudžanyja mužčyny.
«Nieadnarazova sudzimy žychar Minska Majoraŭ Dźmitryj. Jon jakraz 13 sakavika 2006 hoda byŭ asudžany da 2 hadoŭ pazbaŭleńnia voli z adterminoŭkaj (zrazumieła čamu). U dalejšym Majoravu takaja dapamoha nie mocna dapamahła: jašče +2 sudzimaści.
Druhi — uradženiec Śviardłoŭska Uścinaŭ Andrej. Taksama nieadnarazova sudzimy. Pry hetym u 2008 hodzie sam staŭ achviaraj (ciažkija cialesnyja paškodžańni). Što charakterna, źviestak pra jaho pracu paśla 2019 hoda niama. Zatoje jość poŭny ciozka ŭ bazie «Miratvorac», jaki źjaŭlajecca bajevikom PVK «Vahnier».