«Bajsoł» adkryŭ ekstranny zbor na karyść vyzvalenych palitźniavolenych
Na svabodu čarhovy raz vychodzić vialikaja hrupa biełaruskich palitźniavolenych, i paśla hadoŭ turmy hetym ludziam daviadziecca pačynać žyćcio ŭ čužoj krainie amal z nula. Tamu fond salidarnaści «Bajsoł» užo tradycyjna adkryvaje ekstranny zbor dapamohi dla ŭsich palitźniavolenych, vyzvalenych 19 sakavika.
Meta zboru — vypłacić minimum pa €1000 kožnamu vyzvalenamu ŭ ramkach prahramy padtrymki palitźniavolenych i vyzvalenych. Hetyja hrošy dapamohuć pieražyć pieršyja tydni paśla vyzvaleńnia: znajści časovaje žyllo, nabyć adzieńnie i leki, adnavić dakumienty. Zbor budzie aktyŭny da 31 sakavika 2026 hoda, paśla čaho pačnucca vypłaty.
Kali atrymajecca sabrać bolš, možna budzie padtrymać ludziej jašče bolš — pakryć dadatkovyja vydatki, lačeńnie i adnaŭleńnie dakumientaŭ. Usie hrošy, sabranyja zvyš nazvanaj sumy, buduć padzielenyja pamiž vyzvalenymi paroŭnu.
Viadoma, hetaja dapamoha nie vyrašyć usich prablem. Ale jana daść samaje važnaje — mahčymaść vydychnuć i zrabić pieršyja kroki da novaha žyćcia paśla turmy.
Čytajcie padrabiaźniej pra toje, jak budzie pracavać ekstranny zbor i vypłačvacca dapamoha.
Kab atrymać dapamohu z ekstrannaha zboru, nieabchodna niepasredna źviarnucca ŭ BYSOL da 31 žniŭnia 2026 hoda ŭklučna. Kantakt u Telegram: @bysol_pzk
Padtrymać zbor možna pa spasyłcy.
Čytajcie taksama:
Zapracavała haračaja linija dla svajakoŭ patencyjna vyzvalenych palitviaźniaŭ
Džon Koŭł zajaviŭ pra mahčymaść chutkaha asabistaha kantaktu pamiž Łukašenkam i Trampam
Koŭł raspavioŭ, jak padziei na Blizkim Uschodzie źmianili staŭleńnie ZŠA da vajny va Ukrainie