Biełaruski hałkipier staŭ hulcom kamandy amierykanskaha D4
20‑hadovy biełaruski bramnik Artur Bułaŭkin padpisaŭ kantrakt z amierykanskim kłubam «Łejklend Junajted».
Novaja kamanda hałkipiera vystupaje ŭ paŭdniovaj kanfierencyi čempijanatu USL 2 ( 4‑y dyvizijon u sistemie futbolnych lih ZŠA) i bazujecca ŭ Fłarydzie, paviedamlaje football.by
Bułaŭkin naradziŭsia ŭ Minsku, ale ŭ 5 hadoŭ pierajechaŭ ź siamjoj na histaryčnuju radzimu baćki — u Italiju. Z 8 da 14 hadoŭ jon zajmaŭsia ŭ akademii «Miłana».
Na darosłym uzroŭni bramnik, jaki maje biełaruskaje i italjanskaje hramadzianstvy, vystupaŭ u Sierii D. Krychu bolš za hod tamu Artur pierajechaŭ u ZŠA, dzie hulaŭ za kamandu kaledža Chiejstanhs.
Raniej u ZŠA źmianiŭ kłub jašče adzin biełarus. 20‑hadovy hałkipier «Kałambus Kru» (MŁS) Stanisłaŭ Łapkies pierajšoŭ na pravach arendy ŭ «Sarasota Paradajz» (D3).
Za «Kałambus Kru» jon nie zhulaŭ nivodnaha matča, a vystupaŭ za «Kałambus Kru-2» z treciaha dyvizijona.