Na volu vychodzić Natalla Ładućka, jakuju adpravili ŭ kałoniju za pasyłki palitviaźniam
Sud pastaviŭ joj u vinu 177 pasyłak i hrašovych pieravodaŭ inšym aryštavanym.
Siarod vyzvalenych 19 sakavika — 61‑hadovaja Natalla Ładućka. Paśla vyzvaleńnia žančynie dazvolili zastacca ŭ Biełarusi.
Natallu Ładućku zatrymali ŭ studzieni 2024 hoda — za dapamohu palitviaźniam. Praz hod adbyŭsia sud — abvinavačvali piensijanierku ŭ sadziejničańni «ekstremisckaj dziejnaści» (častki 1 i 2 art. 361‑4 Kryminalnaha kodeksa). Joj dali 4 hady kałonii ahulnaha režymu i štraf 25 200 rubloŭ.
U spravie piensijanierki ź Minska pieraličana 177 epizodaŭ — havorka idzie pra hrašovyja pieravody i pasyłki. Voś niekalki prykładaŭ taho, što staviłasia ŭ vinu: pieraličyła 100 rubloŭ na turemny rachunak viaźnia, dasłała pasyłku vahoj 4 kiłahramy. Pieršaje adpraŭleńnie adbyłosia ŭletku 2021 hoda, apošniaje — u śniežni 2023 hoda, za miesiac da zatrymańnia žančyny.
Atrymlivajecca, što Natalla rabiła adpraŭleńni trochi bolš za dva hady. Za hety čas, zhodna z materyjałami spravy, jana pieraličyła bolš čym 4000 rubloŭ i adpraviła pasyłak bolš jak na 500 kiłahramaŭ.
Termin Natalla adbyvała ŭ homielskaj žanočaj kałonii.
Čytajcie taksama:
Śpis palitviaźniaŭ, vyzvalenych 19 sakavika — i departavanych, i tych, chto zastajecca ŭ Biełarusi