VNU sioleta prymuć 49 tysiač studentaŭ
Siońnia va ŭniviersitetach projduć dni adčynienych dźviarej.
Ustanovy vyšejšaj adukacyi Biełarusi sioleta prymuć kala 49,1 tys. abituryjentaŭ. Pra heta BiełTA paviedamili ŭ pres-słužbie Ministerstva adukacyi.
Pry hetym na biudžet płanujuć pryniać kala 33,1 tys. pieršakurśnikaŭ.
Siarod ich 3,9 tys. čałaviek (11,8%) — budučyja piedahohi, 3,7 tys. (11,2%) — miedyki, 3,1 tys. (9,4%) — ahraryi, amal kožny čaćviorty, a heta kala 7,7 tys. (23,3%), — inžyniery.
Siońnia ŭ VNU i kaledžach krainy projdzie adziny dzień adčynienych dźviarej.