Masavaja bojka kala sinahohi adbyłasia ŭ centry Maskvy
Maładyja ludzi napali na viernikaŭ. Na videa čuvać, jak jany kryčać «adzin ruski na ŭvieś Kitaj-horad» i «što adbyvajecca z ruskim śvietam?»
U Maskvie napiaredadni ŭviečary adbyłasia masavaja bojka kala Maskoŭskaj charalnaj sinahohi na Kitaj-horadzie. Pra heta paviedamlaje «Ostorožno, novosti» sa spasyłkaj na vidavočcaŭ.
Maładyja ludzi napali na viernikaŭ, jakija vychodzili ź sinahohi. Na videa čuvać, jak jany kryčać «adzin ruski na ŭvieś Kitaj-horad» i «što adbyvajecca z ruskim śvietam?». Adzin z napadnikaŭ paabiacaŭ «pasadzić na nož» mužčynu, jaki vyjšaŭ ź sinahohi.
Aściarožna, niecenzurnaja leksika!
Aŭtar rolika ličyć, što havorka idzie pra ataku na hlebie antysiemityzmu. «Napali na ludziej za toje, što jany ŭ kipie. Mahčyma, heta źviazana z vajnoj u Iranie», — zajaviŭ jon.
Ułady pra napad nie paviedamlali. Infarmacyi pra paciarpiełych niama.