Na miažy Litvy ź Biełaruśsiu raźviarnuli 18 nielehalnych mihrantaŭ
Heta rekord pačynajučy z vosieni.
Za minułyja sutki na miažy ź Biełaruśsiu litoŭskija pamiežniki raźviarnuli 18 mihrantaŭ, jakija sprabavali niezakonna pierasiekčy miažu, paviedamiła ŭ subotu Słužba achovy dziaržaŭnaj miažy (VSAT).
Apošni raz bolšaja kolkaść mihrantaŭ fiksavałasia ŭ kancy listapada, kali ŭ adzin ź dzion miažu sprabavali pierasiekčy 20 čałaviek.
11 z hetych mihrantaŭ byli zaŭvažanyja ŭ piatnicu ŭ Šviančonskim rajonie. Da miažy ich ź lesu na biełaruskim baku supravadžali dvoje mužčyn, adzin ź jakich pačaŭ śpiecyjalnym instrumientam pierarazać ustanoŭleny ź litoŭskaha boku fizičny barjer.
Paśla paškodžańnia nižnich vitkoŭ kalučaha drotu i ŭtvareńnia adtuliny pad płotam 11 čałaviek trapili na terytoryju krainy.