ŚMI raskazali pra rasijski scenar imitacyi zamachu na Viktara Orbana pierad vybarami
Taki incydent zrušyć usprymańnie kampanii z racyjanalnaj śfiery ŭ emacyjnuju.
Viktar Orban zajmaje pasadu premjera Vienhryi z 2010 hoda, taksama jon byŭ kiraŭnikom urada ŭ 1998‑2002 hadach. Fota Thanassis Stavrakis, AP
Napiaredadni vyrašalnych vybaraŭ u Vienhryi, što pavinny prajści ŭ krasaviku, padraździaleńnie rasijskaj źniešniaj raźviedki pačało bić tryvohu z-za rezkaha padzieńnia hramadskaj padtrymki premjer-ministra Viktara Orbana, čyje siabroŭskija suviazi z Maskvoj doŭhi čas zabiaśpiečvali Kramlu stratehičnuju pieravahu ŭ supraćstajańni z NATA i ES, piša The Washington Post.
Supracoŭniki Słužby źniešniaj raźviedki Rasii vykazali mierkavańnie, što mohuć spatrebicca radykalnyja miery.
Vydańnie śćviardžaje, što va ŭnutranym dakładzie SZR byŭ vykładzieny sposab «fundamientalna źmianić usiu paradyhmu vybarčaj kampanii» — «arhanizacyja zamachu na Viktara Orbana».
«Taki incydent zrušyć usprymańnie kampanii z racyjanalnaj śfiery […] u emacyjnuju, dzie klučavymi temami stanuć dziaržaŭnaja biaśpieka, stabilnaść i abarona palityčnaj sistemy», — nibyta napisali rasijskija ahienty ŭ svaim dakładzie.
Napadaŭ na Orbana nie było, ale samo dapuščeńnie pra mahčymaść pakušeńnia na jaho žyćcio padkreślivaje, nakolki vysokija staŭki dla Maskvy ŭ vienhierskaj pieradvybarnaj honcy, kamientuje The Washington Post.
Čytajcie taksama:
Lidar vienhierskaj apazicyi pieraściaroh Rasiju ad umiašańnia ŭ parłamienckija vybary
U Vienhryi apazicyjnaja Orbanu partyja rekordna pavialičyła adryŭ pierad vybarami
U Budapiešcie prajšli masavyja mitynhi Orbana i jaho hałoŭnaha supiernika