Niekatorym vyzvalenym 19 sakavika palitviaźniam, jakim dazvolili zastacca ŭ Biełarusi, zabaranili afarmlać simki i karystacca bankaŭskimi kartkami
Palitviaźniam, jakich vyzvalili 19 sakavika paśla pryjezdu amierykanskich dypłamataŭ i jakim dazvolili zastacca ŭ Biełarusi, vystavili strohija ŭmovy znachodžańnia na voli, paviedamlaje inicyjatyva «Ružovyja kasynki».
Torby palitviaźniaŭ z rečami z kałonij. Ilustracyjnaje fota: «Naša Niva»
Pavodle najaŭnaj infarmacyi, pierad vyzvaleńniem častcy palitviaźniaŭ tłumačyli ŭmovy ich dalejšaha znachodžańnia na voli.
Siarod asnoŭnych patrabavańniaŭ:
- zabarona na vykarystańnie bankaŭskich kartak;
- zabarona na afarmleńnie i vykarystańnie SIM-kartak;
- luboje parušeńnie (až da niaznačnych, naprykład, užyvańnie ałkaholu) moža pryvieści da paŭtornaha źniavoleńnia.
Taksama paviedamlajecca, što ŭ śviatočnyja dni vyzvalenych mohuć źmiaščać u IČU abo SIZA.
Pa asobnych dadzienych, značnaja kolkaść žančyn była vyzvalenaja biez pašpartoŭ. Aficyjnaje tłumačeńnie — dakumienty nibyta zhublenyja.
Raniej vyzvalenym palitviaźniam nie vystaŭlali nastolki strohich umoŭ.