Pierad sustrečaj z Łukašenkam Koŭła zabaŭlali raskazami pra zimovuju rybałku
Prapahandysty pakazali nievialiki bekstejdž apošniaha raŭnda pieramoŭ kiraŭnika Biełarusi z amierykancami.
U prahramie «Vriemia piervoho» na BT pakazali detali pieramoŭ delehacyi ZŠA z Alaksandram Łukašenkam, jakija adbylisia ŭ čaćvier 19 sakavika.
Pierad tym, jak śpiecpradstaŭnik Trampa Džon Koŭł zajšoŭ u kabiniet da Łukašenki, jaho zabaŭlali pierakładčyk Siarhiej Zielankievič i staršynia KDB.
Zielankievič sprabavaŭ urazić amierykanskaha hościa tym, što ŭ Biełarusi dahetul rybaki vychodziać na lod.
«Lod tonki, ale ŭsio roŭna rybaki siadziać i łoviać rybu», — skazaŭ Siarhiej Zielankievič.
Na heta dziaŭčyna Sara z kamandy Koŭła adznačyła, što heta vielmi niebiaśpiečna. Jak adreahavaŭ sam kiraŭnik delehacyi ZŠA, zastałosia pa-za kadram.
Paśla pieramoŭ z Alaksandram Łukašenkam 19 sakavika ź biełaruskich turmaŭ byli vyzvalenyja 250 čałaviek. 15 byli vyviezienyja ŭ Litvu, astatnim dazvolili zastacca ŭ krainie, ale ź vialikimi abmiežavańniami.