U Biełarusi pabačyli palarnaje źziańnie
Žychary siarednich šyrot hetym viečaram i nočču mohuć stać śviedkami redkaj pryrodnaj źjavy.
Fota: t.me/meteovibe
U apošnija dni ŭzmacniłasia aktyŭnaść Sonca, i da Ziamli pryjšoŭ patok zaradžanych čaścic — tak zvany soniečny viecier. Jon uzmacniŭsia praz karanalnuju dzirku — učastak na pavierchni Sonca, adkul patoki vyryvajucca chutčej zvyčajnaha.
U vyniku na Ziamli nazirajecca hieamahnitnaja bura ŭzroŭniu G2, praź jakuju palarnaje źziańnie možna pabačyć u bolš paŭdniovych rehijonach, čym zvyčajna. Jaho ŭžo złavili pad Minskam.
Va ŭmovach horada pabačyć źziańnie budzie prablematyčna. Najbolšaja imaviernaść złavić redkuju źjavu budzie na adkrytaj prastory z dobrym vidam na poŭnač dalej ad haradskich ahnioŭ.