U Słavienii ŭviali abmiežavańni na prodaž bienzinu na zapraŭkach
Adzin kiroŭca moža nabyć nie bolš za 50 litraŭ paliva ŭ dzień. Dla kampanij i fiermieraŭ limit składaje 200 litraŭ u dzień.
Fota: Chris Ratcliffe/Bloomberg via Getty Images
Heta časovaja miera, pryčynaj jakoj stali składanaści ŭ łahistycy, piša Reuters.com.
Z deficytam paliva z-za prablem z pastaŭkami sutyknuŭsia najbujniejšy naftavy apieratar u Słavienii — Petrol. U vyniku na AZS źjavilisia čerhi, a niekatoryja zapraŭki daviałosia časova zakryć.
Pry hetym AZS, jakija naležać vienhierskaj naftahazavaj hrupie MOL, nie adčuvajuć prablem z palivam, adnak i tam uviali abmiežavańni dla spažyŭcoŭ.
Urad zaklikaŭ Petrol raspracavać płan vychadu z kryzisnaj situacyi i apublikavać jaho 23 sakavika.
Rost cen na paliva i łahistyčnyja składanaści nazirajucca pa ŭsim śviecie na fonie kanfliktu na Blizkim Uschodzie, jaki praciahvajecca ŭžo čaćviorty tydzień. Ekśpierty Mižnarodnaha enierhietyčnaha ahienctva ŭ suviazi z deficytam paliva zaklikali kampanii viarnucca da dystancyjnaj abo hibrydnaj pracy tam, dzie heta mahčyma. Jak ekanomić paliva zadumalisia ad Šry-Łanki da Paŭdniovaj Karei i Novaj Ziełandyi.