Harnałyžny kompleks «Łahojsk» zakryvajecca paśla 22 hadoŭ pracy
Spartyŭna-azdaraŭlenčy kompleks «Łahojsk» spyniaje svaju dziejnaść. Apošnim dniom pracy centra stanie 31 sakavika. Pra heta aficyjna paviedamiła administracyja kompleksu ŭ Instagram.
Pavodle zajavy, havorka idzie nie prosta pra zaviaršeńnie zimovaha siezona, a pra kaniec pracy — finał 22‑hadovaha žyćcia kompleksu.
«My nie viedajem, što budzie dalej, ale vielmi chočacca vieryć, što heta nie kaniec», — havorycca ŭ paviedamleńni.
«Łahojsk» byŭ adkryty ŭ studzieni 2004 hoda i staŭ adnym ź pieršych sučasnych harnałyžnych centraŭ krainy. Kompleks naležyć apalnamu biznesmienu Juryju Čyžu.
U 2023 hodzie abjekt sprabavali vystavić na tarhi, adnak pakupnika tady znajści nie ŭdałosia.
Aficyjnyja pryčyny zakryćcia administracyja pakul nie nazyvaje.