Pry sutyknieńni samalota z pažarnaj mašynaj u ńju-jorkskim aeraporcie zahinuli dva čałavieki
Aeraport «Ła Huardyja» zakryty.
Fota: Spencer Platt/Getty Images
Pry sutyknieńni samalota z pažarnaj mašynaj u ńju-jorkskim aeraporcie zahinuli dva čałavieki. Zahinułyja — pieršy i druhi piłoty samalota.
Usiaho na borcie samalota Air Canada, pavodle papiarednich źviestak, znachodzilisia 72 pasažyry i čatyry členy ekipaža. Aeraport Ńju-Jorka zakryli paśla avaryi na ŭźlotna-pasadačnaj pałasie.
U niadzielu pozna ŭviečary ŭ aeraporcie «Ła Huardyja» samalot Air Canada Express pry pasadcy sutyknuŭsia z aŭtamabilem aeraportavaj słužby, jaki ruchaŭsia pa ruležnaj darožcy.
Fiederalnaje ŭpraŭleńnie hramadzianskaj avijacyi ZŠA nieadkładna zakryła aeraport dla rejsaŭ, jakija prybyvajuć z ZŠA i Kanady. Mahčyma, aeraport zastaniecca zakrytym da 18:00 siońniašniaha dnia pa miascovym časie.
«Ła Huardyja» ŭ asnoŭnym vykarystoŭvajecca dla ŭnutranych rejsaŭ u miežach ZŠA.
Samalot sutyknuŭsia z transpartnym srodkam na chutkaści kala 39 km/h. Pavodle źviestak partała ColLive, sutyknieńnie adbyłosia padčas navalnicy ŭ hetym rajonie.