Iran zaminiruje ŭsie marskija šlachi ŭ Piersidskim zalivie ŭ vypadku naziemnaj apieracyi ZŠA
Iran zaminiruje ŭsie marskija šlachi ŭ Piersidskim zalivie ŭ vypadku naziemnaj apieracyi ZŠA na ŭźbiarežžy krainy abo na astravach, havorycca ŭ zajavie Rady abarony isłamskaj respubliki, jakuju pryvodzić Fars.
Fota: Getty Images
«Lubyja sproby voraha atakavać iranskija bierahi abo astravy pryviaduć da taho, što, zhodna sa zvyčajnaj vajennaj praktykaj, usie prachody i transpartnyja linii ŭ Piersidskim zalivie i na ŭźbiarežžy buduć zaminiravanyja roznymi marskimi minami, uklučajučy płavajučyja miny», — skazana ŭ publikacyi.
Adziny šlach prachodu praz Armuzski praliŭ dla niejtralnych krain — uzhadnieńnie tranzitu z Tehieranam, zajavili ŭ viedamstvie. Rada abarony Irana taksama zajaviła pra svaju «prychilnaść rašučamu i razburalnamu adkazu na lubyja zamachi».
U subotu viečaram Tramp daŭ Iranu 48 hadzin na toje, kab adkryć Armuzski praliŭ, što złučaje Piersidski zaliŭ i Indyjski akijan.