«Minsktrans» uznačaliŭ Kanstancin Hałałobaŭ
Jon pačynaŭ jak kiroŭca aŭtamabila.
Na pasadu hienieralnaha dyrektara «Minsktrans» pryznačany Kanstancin Hałałobaŭ, paviedamili Minsk-Navinam u Minharvykankamie.
Kanstancin Hałałobaŭ — uradženiec Navapołacka. Skončyŭ Biełaruski nacyjanalny techničny ŭniviersitet, paźniej — Akademiju kiravańnia.
Usia prafiesijnaja dziejnaść Hałałobava źviazanaja sa strukturami «Minsktransa», dzie jon prajšoŭ pa karjernaj leśvicy šlach ad kiroŭcy aŭtamabila filijała «Aŭtobusny park № 7». Da pryznačeńnia na ciapierašniuju pasadu Kanstancin Hałałobaŭ pracavaŭ na pasadzie pieršaha namieśnika hiendyrektara — hałoŭnaha inžyniera «Minsktransa».