«Zvyčajna ŭžo ranicaj 60 čałaviek było». U Minsku źbirajecca vialikaja čarha pa biarozavy sok
U Minsku pačaŭsia siezon prodažu biarozaviku. Košt soku niepasredna ad laśnictvaŭ sioleta — 55 kapiejek za adzin litr (a ŭ kramach budzie ŭ razy daražej). Čerhi ŭžo źjaŭlajucca, ale pakul nie takija vialikija, jak u minułyja hady, piša Onliner.by.
Juryj raskazaŭ, što sok pačali pradavać u laśnictvie na vulicy Bahracijona, 70. Litr kaštuje 55 kapiejek.
— Ja pryjechaŭ z dvuma kanistrami pa 10 litraŭ — zapłaciŭ 11 rubloŭ. Skazali, što prodaž idzie ŭsiaho druhi dzień, siezon tolki pačaŭsia, — kaža jon.
Pa słovach minčuka, ludzi prychodziać ź vialikimi jomistaściami, kab nazapasicca sokam: biaruć piacilitrovyja butelki, kanistry i navat bočki.
Juryj pryjechaŭ dniom, kala 14:00, i čakaŭ ubačyć doŭhuju čarhu, ale ludziej akazałasia niašmat.
— Było čałaviek 10—20 maksimum. Ja pačakaŭ kala 20 chvilin, chutka nabraŭ sok, raspłaciŭsia i pajechaŭ dadomu, — raskazaŭ jon.
Jon adznačaje, što ŭ minułyja hady situacyja vyhladała inakš: u pieršyja dni prodažaŭ užo z ranicy źbirałasia pa 50—60 čałaviek — mnohija pryjazdžali na mašynach ci hramadskim transparcie. Pakul ža, niahledziačy na dobraje nadvorje, ažyjataž zastajecca ŭmieranym.
U Minskim laśnictvie paćvierdzili, što biarozavy sok u ich užo možna kupić — z 10:00 da 20:00, biez abiedu.
Dzie kupić biarozavy sok u Minsku
U Minsku biarozavy sok pradajuć u niekalkich punktach:
- vuł. Bahracijona, 70 — štodnia z 10:00 da 19:00, biez vychadnych
- Łahojski trakt, 52 (placoŭka «Lasny domik») — štodnia z 10:00 da 18:00
- vuł. Cimirazieva, 118 — z 09:00 da 18:00, biez vychadnych
- HC «Tytan», pr-t Dziaržynskaha, 104A — z 11:00 da 19:00
- vuł. Leanida Levina, 8
Cana:
- 1 litr u taru pakupnika — 0,55 rubla
- 5 litraŭ u PET-butelcy — 4,78 rubla
Taksama sok možna kupić va ŭsich laśnictvach Minskaha lashasa:
- Vałmianskaje laśnictva (Dziaržynski rajon, v. Skirmantava)
- Dziaržynskaje laśnictva (h. Dziaržynsk, 1‑y zav. Pratasava, 4)
- Zasłaŭskaje laśnictva (h. Zasłaŭl, vuł. Nabiarežnaja, 43)
- Kajkaŭskaje laśnictva (v. Kajkava, p/a Michanavičy, 103)
- Navasielskaje laśnictva (v. Navasielle, vuł. Lasnaja, 1)
- Putčynskaje dośledna-vytvorčaje laśnictva (a.h. Putčyna, vuł. Paŭnočnaja, 21)
- Stańkaŭskaje laśnictva (v. Stańkava, vuł. M. Kazieja, 2)
Cana ŭ laśnictvach nižej:
- 1 litr — 0,42 rubla
- 5 litraŭ — 3,2 rubla
Z-za vysokaha popytu mahčymyja pieraboi z pastaŭkami.