Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia
U videa niadaŭna vyzvaleny z turmy niazłomny palityk pavinšavaŭ biełarusaŭ koratka, a ŭ telehram-kanale napisaŭ bolš razhornuty zvarot.
Skrynšot ź videa
«Vinšuju ŭsich biełarusaŭ z Dniom Voli!
108 hadoŭ tamu Statutnaj hramataj Rady BNR naša nacyja zajaviła ab svaim žadańni i pravie na niezaležnaść, na svaju dziaržavu.
Biez hetaj zajavy nie było b ni BSSR, ni, chutčej za ŭsio, Respubliki Biełaruś. Nie było b, hledziačy pa metanakiravanaj impierskaj palitycy rusifikacyi, i samoj našaj nacyi. Rada BNR skarystała svoj histaryčny šaniec, ale, na žal, nie da kanca. U toj kryvavy čas vyžyvańnie novaj dziaržavy, navat jaje dypłamatyčnaje pryznańnie mocnymi dziaržavami zaležali ad najaŭnaści ŭ jaje istotnaj vajskovaj siły.
Na žal, baćki-zasnavalniki BNR nie zdoleli arhanizavać takuju siłu. Nie atrymałasia pierakinuć na Radzimu z Rumynskaha frontu biełaruski korpus, sfarmavany ŭ składzie Rasijskaj armii z vajavaŭšych u joj biełarusaŭ. Historyja vučyć. Važna krytyčna aceńvać jaje ŭroki i rabić ź ich pravilnyja vysnovy. Kab Biełaruś nie źnikła, kab naša kraina žyła.
Ja ŭpeŭnieny — Biełaruś budzie volnaj!
Sa śviatam, siabry!», — napisaŭ palityk.
Čytajcie taksama:
Maryna Adamovič apublikavała novyja FOTY Mikoły Statkieviča
Maryna Adamovič: Dazvoł vyzvalenym zastavacca ŭ Biełarusi — recha ŭčynku majho muža
Mikoła Statkievič: Vitaju vas na voli! Vy — honar i sumleńnie našaj nacyi!
Statkievič raskazaŭ, jak vyžyvaŭ u źniavoleńni. I čym zajmajecca ciapier