Za sutki Rasija zapuściła va Ukrainu amal 1000 bieśpiłotnikaŭ

24 sakavika Rasija praviała adnu z najbolš masavych atak na Ukrainu z vykarystańniem udarnych bieśpiłotnikaŭ, paviedamiła pres-słužba Pavietranych siłaŭ Ukrainy.

Zdymak ilustracyjny. Fota: AP Photo / Efrem Lukatsky 

Paviedamlajecca, što dniom 24 sakavika ŭkrainskija abaroncy zafiksavali na terytoryi krainy bolš za 550 rasijskich udarnych BPŁA. Uličvajučy ž načnuju ataku z 18:00 23 sakavika pa 18:00 24 sakavika 2026 hoda (za ŭmoŭnyja sutki), ahulnaja kolkaść vykarystanych praciŭnikam bieśpiłotnikaŭ typu Shahed, Hierbiera i inšych skłała amal tysiaču.

Asabliva šmat BPŁA va Ukrainu zalatała z poŭnačy — praz terytoryi Čarnihaŭskaj i Sumskaj abłaściej.

Hieahrafija dzionnych udaraŭ była šyrejšaj, čym načnych: Pałtava, Kijeŭ, Mikałajeŭ, Vińnica i zachodnija rehijony — ad Chmialnickaha da Lvova.

15 udaraŭ dasiahnuli celaŭ.

Pavodle papiarednich danych, pa stanie na 18:00 24 sakavika ŭkrainskaj supraćpavietranaj abaronaj byŭ źbity abo padaŭleny 541 BPŁA praciŭnika.

Kamientary da artykuła