U Minsku buduć budavać kryty skaładrom

U Minsku płanujuć pabudavać kryty skaładrom kala stancyi mietro «Spartyŭnaja». Horad vystaviŭ na aŭkcyjon prava arendy ziamielnaha ŭčastka pad hety prajekt. Budučy spartyŭny kompleks moža źjavicca pobač z parkam Civali i handlovym centram «Skała», paviedamlaje Realt.by.

Učastak znachodzicca na vulicy Piatra Hlebki, 7S. Zaraz tam zvyčajnaja zialonaja zona kala darohi. Pobač taksama jość škoła, tamu možna mierkavać, što skaładrom budzie aryjentavany ŭ tym liku na dziaciej i padletkaŭ. Ahulnaja płošča terytoryi — kala 44 sotak.

Na hetym miescy dazvolena ŭźvieści budynak płoščaj da 1800 kvadratnych mietraŭ. Płanujecca, što ŭ kompleks uvojdzie kryty skaładrom prykładna na 800 «kvadrataŭ», a taksama padziemny parkinh na 1000 kvadratnych mietraŭ.

Pačatkovy košt prava arendy ŭčastka składaje 42,4 tysiačy rubloŭ, jašče kala 12,9 tysiačy treba budzie vydatkavać na padrychtoŭku dakumientaŭ.

Aŭkcyjon pryznačany na 15 krasavika i projdzie ŭ Minskim haradskim centry nieruchomaści.

Kamientary da artykuła