ZŠA nakiravali Iranu płan z 15 punktaŭ pa spynieńni vajny
Hety płan adlustroŭvaje imknieńnie administracyi prezidenta ZŠA Donalda Trampa znajści vychad z kanfliktu.
Donald Tramp, vice-prezident Džej Dzi Vens, dziaržsakratar Marka Rubia i kiraŭnik Pientahona Pit Chiehset. Fota: Alex Wong / Getty Images
ZŠA nakiravali Iranu płan z 15 punktaŭ pa spynieńni vajny na Blizkim Uschodzie, piša The New York Times sa spasyłkaj na dvuch čynoŭnikaŭ.
Hety płan adlustroŭvaje imknieńnie administracyi prezidenta ZŠA Donalda Trampa znajści vychad z kanfliktu na fonie baraćby ź jaho ekanamičnymi nastupstvami. Płan zakranaje balistyčnyja rakiety i jadziernyja prahramy Irana, a taksama marskija maršruty.
Hazieta adznačaje, što pakul niezrazumieła, nakolki šyroka płan byŭ raspaŭsiudžany siarod iranskich čynoŭnikaŭ i ci prymie Iran jaho jak asnovu dla pieramovaŭ.
Taksama nieviadoma, ci padtrymlivaje jaho Izrail, jaki razam sa Złučanymi Štatami pačaŭ apieracyju suprać Irana ŭ kancy lutaha.