Minčanka ŭziała baćkoŭskija 11 000 rubloŭ i pieraviała ašukancam, kab nie zarabić kryminalnuju spravu
18‑hadovaj dziaŭčynie ŭ miesiendžary pastupiŭ zvanok ad nibyta supracoŭnika markietpłejsa, jaki paviedamiŭ, što na jaje imia pastupili pasyłki i kurjer moža dastavić ich u najbližejšy čas. Dziaŭčyna pradyktavała adras elektronnaj pošty i kod z SMS.
Dalej ź dziaŭčynaj źviazaŭsia łžejuryst, jaki raskazaŭ, što jaje asabistymi danymi zavałodali machlary: atrymali dostup da dadatku, pryznačanaha dla atrymańnia administracyjnych i inšych pasłuh u elektronnym vyhladzie, a taksama ŭziali kredyt na jaje imia na 5000 rubloŭ, paviedamlaje «Milicyja Minska».
Dziaŭčynie pahražali vobšukam i kryminalnym pieraśledam, nastojliva rekamiendavali «zadekłaravać» hrošy, jakija byli doma, šlacham pieravodu na śpiecyjalny rachunak u paštovym adździaleńni.
Minčanka ŭziała baćkoŭskija hrošy ŭ zamiežnaj valucie, abmianiała ich na rubli i 11 000 rubloŭ pieraličyła na rachunak ašukancaŭ.