OpenAI zakryvaje Sora — niejrasietku dla hienieracyi karotkich videa
OpenAI aficyjna abviaściła pra spynieńnie pracy videahienieratara Sora. Kampanija zakryvaje jak karystalnickaje prykładańnie, tak i dostup dla raspracoŭščykaŭ, a taksama vydalaje videafunkcyi z ChatGPT.
Raspracoŭščyki paćvierdzili zakryćcio ŭ tvitary, paabiacaŭšy paźniej udakładnić terminy adklučeńnia i sposaby zachavańnia kantentu.
Pryčyny zakryćcia prajektu nie ŭdakładniajucca.
Ale imavierna, pryčynaj stała źmiena stratehii Sema Altmana: kali raniej kampanija imknułasia zapuścić mnostva roznych praduktaŭ, to zaraz jana choča pieraaryjentavacca — OpenAI admaŭlajecca ad ekśpierymientalnych servisaŭ dla šyrokich mas i fakusujecca na prodažy hatovych IT-instrumientaŭ i pasłuh bujnym karparacyjam dla pavieličeńnia ich prybytku.
Niahledziačy na maštabnyja inviestycyi (uklučajučy ździełku z Disney na $1 młrd), unutry kampanii sumniavalisia ŭ realnym popycie na pradukt.
Kamanda Sora budzie rasfarmiravana i pieraviedziena na inšyja kirunki, u pryvatnaści, na prajekty ŭ śfiery robatatechniki.