Mieteazond z cyharetami pryziamliŭsia ŭ dvary litoŭskaha sielanina
Unačy ŭ dvary žychara Žyžmaraŭ, što pamiž Vilniaj i Koŭnam, pryziamliŭsia mieteazond, jaki pieravoziŭ kantrabandu. Na miesca zdareńnia prybyli supracoŭniki palicyi i znajšli 1 500 pačkaŭ biełaruskich cyharet, paviedamlaje LRT.
Fota: VSAT
Pradstaŭnica Hałoŭnaha ŭpraŭleńnia palicyi Koŭna Kryścina Miškaŭskajcie paviedamiła LRT, što paviedamleńnie pastupiła kala hadziny nočy. Miascovy žychar paviedamiŭ, što kala jaho doma pryziamliŭsia kantrabandny šaryk.
«Prybyŭšy na miesca zdareńnia, supracoŭniki palicyi znajšli try skryni z 1 500 pačkami cyharet ź biełaruskimi akcyznymi markami, a taksama GPS-pryłady», — skazała pradstaŭnica palicyi.
Pra incydent taksama paviedamiła Kovienskaje ŭpraŭleńnie pažarnaj achovy i vyratavańnia. U zvodcy adznačajecca, što pažarnych paprasili dapamahčy źniać šaryk, jaki zachras na drevie na vyšyni čatyry mietry.