Padletki stajać u čarzie, kab zrabić fota la padjezda na Niamizie — što tam adbyłosia?

Siarod fanataŭ Maksa Karža razyšłosia jaho staroje fota z 2019 hoda, dzie artyst staić la padjezda doma pa adrasie Staravilenskaja, 8, što ŭ Trajeckim pradmieści Minska.

Moładź moža hadzinami stajać u čarzie, kab paŭtaryć toj zdymak i dadatkova źniać sabie videaprachodku pad muzyku Karža.

Aryhinał fota z Maksam Karžom

«Heta ciapier rezka stała trendam, jaki dobra zachodzić u sacsietkach», — tłumačać padletki žadańnie zajmieć adnolkavy kantent. I sapraŭdy padobnyja roliki nabirajuć dziasiatki tysiač prahladaŭ i sotni kamientaroŭ.

Adno z takich videa z čarhoj pierapościŭ sabie ŭ storyz sam Korž.

Skrynšot: instahram Maksa Karža

Pałomnictva da padjezda na Niamizie z roznaj intensiŭnaściu nie spyniajecca ŭžo niekalki dzion. U hetaj historyi ludzi ŭ kamientarach da rolikaŭ spačuvajuć tym, chto žyvie i pracuje ŭ tych damach.

Niekatoryja ž uzdychajuć z nahody taho, što moładź vybrała abjektam uvahi padjezd, dzie prosta pastajaŭ repier, a nie, naprykład, muziej Bahdanoviča, jaki znachodzicca pobač.

Kamientary da artykuła