U Biełaruś pryjazdžaŭ aficyjny pradstaŭnik Hiermanii

Pra pieršy pryjezd u Minsk Bieńjamina Valtera, jaki ŭ kastryčniku minułaha hoda byŭ pryznačany na pasadu adkaznaha za Biełaruś (Desk Officer) u MZS Hiermanii, paviedamiła niamieckaje pasolstva ŭ Biełarusi.

Bieńjamin Valter (u centry) na Kamaroŭskim rynku. Skrynšot ź videa

«My byli vielmi radyja pryniać našaha kalehu Bieńjamina Valtera padčas jaho pieršaj pajezdki ŭ Biełaruś. Razam sa šmatlikimi važnymi pieramovami my taksama znajšli čas dla bolš niefarmalnych spraŭ. Pahladzicie na našu sprobu zrabić z našaha hościa ź Bierlina sapraŭdnaha biełarusa! Pra što my zabylisia?», — taki post źjaviŭsia na fejsbuk-staroncy pasolstva.

U apublikavanym roliku pakazana, jak niamiecki dypłamat častujecca biełaruskimi stravami ŭ restaranie, pje biełaruskija napoi naviedvaje roznyja minskija łakacyi nakštałt Kamaroŭskaha rynku.

Jakija mienavita spravy vyrašaŭ Bieńjamin Valter u Minsku i z kim z aficyjnych asob padčas svajho vizitu sustrakaŭsia, pakul nie paviedamlajecca.

Kamientary da artykuła