Z 1 krasavika padaražajuć 12 marak cyharet

Z 1 krasavika ŭ Biełarusi padaražejuć niekatoryja marki cyharet. Ministerstva padatkaŭ i zboraŭ apublikavała novyja maksimalnyja roźničnyja ceny, jakija pačnuć dziejničać z hetaj daty.

Usiaho padaražańnie zakranie 12 marak: adna ź ich — Royals Compact Blue, jakaja vyrablajecca ŭ krainie, padaražeje z 5,40 da 6,30 rubla. Jašče 11 marak — heta cyharety brendu Esse, jakija ŭvoziacca ŭ Biełaruś, ich košt krychu vyraście — z 7,40 da 7,50 rubla.

Pry hetym ceny na pradukcyju šerahu biełaruskich vytvorcaŭ i imparcioraŭ zastanucca bieź źmien.

Taksama ŭ krasaviku niekalki biełaruskich pradpryjemstvaŭ pačnuć vypuskać novyja marki cyharet. Fabryka «Nioman» pradstavić novyja vidy Dove i NZ Black Power. Kampanija «Inter Tabaka» taksama pačnie vypuskać novyja marki Dove. A «Eterna Prajm» vyviedzie na rynak novyja Pall Mall i Lucky Strike, a taksama pačnie vypuskać niekatoryja inšyja marki.

Kamientary da artykuła