Pucin na zakrytaj sustrečy z bujnymi biznesmienami prapanavaŭ im dobraachvotna prafinansavać vajnu z Ukrainaj
U čaćvier prezident Rasii pravioŭ zakrytuju sustreču z bujnymi biznesmienami. Pavodle krynic The Bell, Pucin abmierkavaŭ z aliharchami praciah vajny i jaje finansavańnie.
Fota: Alexander Kazakov, Sputnik, Kremlin Pool Photo via AP
«Skazali, budziem vajavać», — pierakazvaje sutnaść vystupleńnia Pucina adzin z surazmoŭcaŭ, znajomy sa źmiestam razmovy. «Pojdziem da miežaŭ Danbasa», — pierakazvaje inšy.
Paśla hetaha Pucin prapanavaŭ biznesmienam rabić dobraachvotnyja ŭnioski ŭ biudžet, śćviardžajuć abodva.
Pavodle słoŭ adnaho z surazmoŭcaŭ, ideja «patreści biznes u ciažki dla krainy čas» naležyć kiraŭniku «Rasnafty» Iharu Siečynu, jaki napiaredadni vykłaŭ jaje ŭ liście Pucinu. U jakaści miechanizmu pryciahnieńnia srodkaŭ u liście prapanoŭvałasia raźmiaścić vajennyja ablihacyi.
Niekatoryja biznesmieny adhuknulisia na prośbu prosta na sustrečy. Sulejman Kierymaŭ paabiacaŭ unieści 100 młrd rubloŭ (1,5 młrd dalaraŭ), śćviardžaje adzin z surazmoŭcaŭ The Bell i paćviardžaje druhi.
Ideju padtrymaŭ jašče jak minimum adzin bujny biznesmien, jaki prysutničaŭ na sustrečy, praŭda sumu svajho ŭniosku jon nie nazvaŭ.