Dzieviacihadovy chłopčyk atruciŭsia rastvaralnikam, hłynuŭšy jaho z butelki dla koły
Niaščaście adbyłosia 24 sakavika ŭ vioscy Cimkavičy Kapylskaha rajona.
Chłopčyk doma ŭ haspadarčaj pabudovie znajšoŭ butelku z-pad koka-koły, u jakoj znachodziłasia prazrystaja vadkaść. Padumaŭšy, što heta vada, chłopčyk zrabiŭ niekalki hłytkoŭ. Nasamreč u butelcy byŭ rastvaralnik łakafarbavych materyjałaŭ, piša «Minskaja praŭda».
Baćka advioz syna ŭ balnicu, dzie jamu akazali nieabchodnuju miedycynskuju dapamohu.
Chłopčyk u prytomnaści, kantaktny, pahrozy jaho žyćciu niama. Paśla niekalkich dzion nazirańnia jaho płanujuć adpuścić dadomu.