Kim Čen Yn zładziŭ raskošny pryjom u honar Łukašenki
Abodva kiraŭniki vystupili z pramovami.
Fota: KCNA
Na pryjom byli zaprošanyja namieśnik premjera Juryj Šulejka, ministr zamiežnych spraŭ Maksim Ryžankoŭ, ministr achovy zdaroŭja Alaksandr Chadžajeŭ, ministr adukacyi Andrej Ivaniec, ministr pramysłovaści Andrej Kuźniacoŭ i inšyja asoby.
«Tavaryš Kim Čen Yn adznačyŭ, što vizit Alaksandra Łukašenki ŭ krainu źjaŭlajecca važnym krokam u vyvadzie tradycyjna siabroŭskich adnosin pamiž KNDR i Respublikaj Biełaruś na novy vysoki ŭzrovień. Jon z radaściu skazaŭ, što siońnia na sustrečy i pieramovach paćvierdziŭ volu kiraŭnictva abiedźviuch krain i nadalej umacoŭvać i raźvivać siabroŭskija adnosiny pamiž KNDR i Respublikaj Biełaruś i pierakanaŭsia ŭ mahčymaści ažyćciaŭlać šmat karysnych spraŭ dziela roskvitu i raźvićcia dźviuch krain, palapšeńnia dabrabytu narodaŭ», — paviedamlaje Paŭnočnakarejskaje telehrafnaje ahienctva.
«Pryjom prajšoŭ ad pačatku da kanca ŭ ciopłaj i siabroŭskaj atmaśfiery», — zaznačajecca ŭ paviedamleńni.
Vizit Łukašenki ŭ KNDR doŭžyŭsia 25‑26 sakavika, učora jon viarnuŭsia ŭ Minsk.