U Minsku adkryli kaviarniu, dzie za kavu možna płacić kolki chočaš
U centry Minska, na vulicy Karła Marksa, adkryłasia kafe Pura Vida ź niezvyčajnaj kancepcyjaj — tut niama fiksavanych cen na kłasičnuju kavu, piša Onliner.by.
Fota: Silas Stein/picture alliance via Getty Images
U mieniu kłasičnyja napoi — espresa, kapučyna, łate, ale košt hość vyznačaje sam. Za filižanku možna zapłacić lubuju sumu: ad niekalkich kapiejek da dziasiatkaŭ rubloŭ.
Pry hetym farmat «płaci kolki chočaš» — heta nie časovaja akcyja, a asnoŭnaja ideja ŭstanovy.
Ježa pradstaŭlena ŭ farmacie kacu-sendvičaŭ na miakkim biełym chlebie. Ich košt varjirujecca ad 19 da 23 rubloŭ.
Ciapier Pura Vida pracuje ŭ testavym režymie z 12:00 da 19:00. Kaviarnia znachodzicca pa adrasie: vulica Karła Marksa, 21.