U Smalenskaj vobłaści vyjavili padpolny cech pa vytvorčaści koka-koły. Na etykietkach pisałasia, što jana ź Biełarusi
U Smalenskaj vobłaści palicejskija kanfiskavali vialikuju partyju padroblenaj koka-kołaj, jakuju vyrablali ŭ antysanitarnych umovach. Nielehalnaja vytvorčaść pracavała ŭ horadzie Rudnia, jaki znachodzicca pobač ź biełaruska-rasijskaj miažoj, piša «Maskva 24».
Fota: Mark Lennihan / AP
Arhanizataram schiemy akazaŭsia były dyrektar miascovaha zavoda, jaki zaraz prachodzić praceduru bankructva. Na pradpryjemstvie vyjaŭlena aŭtamatyzavanaja linija, dzie ŭ dźvie źmieny pracavali kala 20 najmanych rabočych bieź miedycynskich knižak.
Płastykavyja butelki vypuskali niepasredna na miescy, a nakryŭki i etykietki pryvozili ź inšaha rehijona. Kab zabłytać ślady, na butelkach paznačali, što napoj vyrableny ŭ Biełarusi, Hruzii ci Azierbajdžanie.
Usiaho pravaachoŭniki kanfiskavali 38 tys. hatovych dvuchlitrovych butelek, jašče 11 tys. adzinak tavaru znajšli ŭ hruzavikach, jakija pavinny byli dastavić haziroŭku ŭ Maskvu.