Ułady Małdovy papiaredzili pra niedachop elektryčnaści i mahčymyja adklučeńni
Kryzis adbyŭsia z-za ŭdaraŭ Rasii pa Ukrainie.
Kišynioŭ. Fota: Finnbarr Webster/Getty Images
«U piatnicu čakajecca značny deficyt elektryčnaści ŭ hadziny pik (18:00 — 22:00), vyklikany niedachopam mahčymaściej impartu. Isnuje realnaja ryzyka časovych adklučeńniaŭ elektryčnaści dla padtrymańnia bałansu enierhasistemy», — havorycca ŭ telehram-kanale ŭradu Małdovy.
Ułady zaklikajuć hramadzian nie karystacca liftami i eskałatarami ŭ krytyčnyja hadziny, arandataraŭ kamiercyjnych pamiaškańniaŭ adklučyć vitryny i rekłamnuju iluminacyju, a pradpryjemstvy nie vykarystoŭvać elektryčnyja piečy i zvarku.
Małdova pieražyvaje pieraboi z elektryčnaściu z 23 sakavika.
Tady z-za abstrełaŭ poŭdnia Ukrainy adklučyłasia adna z asnoŭnych linij elektrapieradač, Isakača — Vułkaniešty. Parłamient uvioŭ režym nadzvyčajnaha stanovišča na 60 dzion.