U Minsku minak pačuŭ razmovu vypadkovaj žančyny pa telefonie i pazvaniŭ u milicyju
Minčuk pačuŭ na vulicy, jak žančyna z kimści razmaŭlała pa telefonie. Jana vyhladała razhublena i kudyści śpiašałasia.
Mužčynu heta zdałosia padazronym, i jon patelefanavaŭ na liniju 102, paviedamlaje pres-słužba minskaj milicyi.
U milicyi ŭstanavili asobu 67‑hadovj piensijanierki. Jana sapraŭdy razmaŭlała z machlarami i pa ich prośbie ŭžo paśpieła pakinuć u padvale doma 24 000 rubloŭ.
Darečy, da hetaha joj patelefanavali iłžesupracoŭniki «Enierhasbytu», jakija pad vyhladam zamieny ličylnikaŭ zavałodali asabistymi danymi i kodam z SMS. Potym pryhrazili piensijaniercy turmoj i ŭhavorvali «zadekłaravać» źbieražeńni.
Machlaram nie ŭdałosia zavałodać hrašyma minčanki — ich kanfiskavali apieratyŭniki i viernuć ułaśnicy.