U Hrenłandyju i na Farery ciapier budzie trapić praściej

Danija spraściła praviły ŭjezdu na Farerskija astravy i ŭ Hrenłandyju. Ciapier ludzi, jakija majuć dazvoł na žycharstva ŭ luboj krainie Šenhienskaj zony, mohuć traplać tudy biez dadatkovych dazvołaŭ.

U stalicy Hrenłandyi Nuuku. Fota: Lokman Vural Elibol/Anadolu via Getty Images

Raniej hramadzianam krain z pa-za miežaŭ ES treba było atrymlivać asobnuju dackuju vizu z admysłovaj paznakaj dla hetych terytoryj. Ciapier ža dastatkova mieć tolki rezidenckuju kartku luboj z krain Šenhiena.

Adnak jość i vyklučeńnie: novyja praviły nie dziejničajuć dla tych, chto maje tolki doŭhaterminovuju vizu typu D — u takim vypadku, jak i raniej, patrebna asobnaja viza.

Dabracca na Farerskija astravy možna samalotam abo paromam z Danii, a ŭ Hrenłandyju — tolki avijarejsami, u asnoŭnym z Danii ci Isłandyi.

Kamientary da artykuła