Čarnahorskija pamiežniki znajšli zbroju ŭ mašynie hanarovaha konsulstva Biełarusi ŭ Bośnii i Hiercahavinie
Na miažy Čarnahoryi i Bośnii i Hiercahaviny na pamiežnym pierachodzie «Ščepan Pole» zatrymali aŭtamabil, jaki naležyć hanarovamu konsulstvu Biełarusi ŭ Bośnii i Hiercahavinie. Pra heta paviedamiła MUS Čarnahoryi, zaŭvažyła vydańnie Reform.news.
Fota: gov.me
U noč z 26 na 27 sakavika supracoŭniki pamiežnaj palicyi Čarnahoryi pravodzili pravierku ŭ miežach baraćby z tranśmiežnaj złačynnaściu. Jany spynili aŭtamabil Audi A8, za rulom jakoha byŭ 44‑hadovy hramadzianin Bośnii i Hiercahaviny, žychar Sarajeva.
Fota: gov.me
Pry ahladzie ŭ bahažniku i darožnaj sumcy palicyja znajšła pistalet Glock 45 FS z mahazinam i 17 patronaŭ. Pra zdareńnie paviedamili dziaržaŭnamu prakuroru ŭ Nikšyčy. Kiroŭcu zatrymali, a zbroju i patrony kanfiskavali.
Pa infarmacyi pasolstva Biełarusi ŭ Vienhryi, hanarovym konsułam Biełarusi ŭ Bośnii i Hiercahavinie źjaŭlajecca Niadzielka Elek, jaki ŭ 2024 hodzie razam z prezidentam Respubliki Sierbskaj Milaradam Dodzikam naviedvaŭ Biełaruś.
Čytajcie taksama:
Biełarusku z rasijaninam vysłali z Čarnahoryi za seks u aŭto na vačach u minakoŭ
Čarnahoryja ŭ 2026 hodzie moža ŭvieści vizy dla biełarusaŭ
Jakija jeŭrapiejskija krainy najbolš zapatrabavanyja biełarusami dla adpačynku